Kæru nemendur!

Það er mér sannarlega heiður að fá að setja niður nokkur orð í tilefni af þessari nýju síðu sem unnin er í vali nemenda í unglingadeild. 

Það er sannarlega margt sem gerist í skólanum okkar enda eru hér saman komnar á hverjum degi rúmlega þúsund manneskjur sem allar hafa margt fram að færa.  Þá er óhjákvæmilegt að það gerast bæði skemmtilegir og leiðinlegir hlutir en það er reyndar þannig að í báðum tilfellum getum við lært og þroskast af atburðunum og reynslunni.  Stundum erum við of upptekin af neikvæðum hlutum en það er miður því að sannarlega verða frábærir atburðir í skólanum á hverjum einasta degi sem eru allrar athygli verðir.  Ég vona að þessi síða verði til þess að vekja enn frekar athygli á því frábæra starfi sem nemendur Hörðuvallaskóla vinna dags daglega.  Hér er samankominn hópur stórskemmtilegra og hæfileikaríkra ungmenna sem eru okkur fullorðna fólkinu til sóma og fyrirmyndar (næstum því alveg alveg alltaf) og ég treysti því að þessi útgáfa verði í þeim anda.

Ágúst skólastjóri